Курганы і курганныя могільнікі
Курган – земляны насып над старажытным пахаваннем. На беларускіх землях узніклі на мяжы 3-га і 2-га тысячагоддзяў да н. э. Вядомыя пад назвамі капцы, валатоўкі, французскія магілы.
Курганы адрозніваюцца формай, памерамі, унутраным уладкаваннем, становішчам памерлага, абрадам пахавання і пахавальным інвентаром. Вялікая колькасць курганоў называецца курганным могільнікам. На тэрыторыі Глыбоцкага раёна размешчаны 3 кургана і 20 курганных могільнікаў, якія ўнесены ў Дзяржаўны спіс гісторыка-культурных каштоўнасцей Рэспублікі Беларусь, як аб'екты ІІІ катэгорыі.