Каменны крыж у вёсцы Пліса
Аб'ект гісторыка-культурнай спадчыны ІІІ катэгорыі (213В000404)
Пліскі каменны крыж, верагодна, адносіцца да позняга сярэднявечча. Высечаны з шэрага граніту, мае форму так званага «лацінскага крыжа», у перакрыжаванні выбіты яшчэ адзін крыжык.
У свой час крыж стаяў пры ўездзе ў Плісу на старым Альгердавым шляху, што злучаў Вільню, Полацк і Смаленск. У 2007 годзе перанесены ў цэнтр вёскі і ўстаноўлены насупраць царквы Параскевы Пятніцы.