Дом былой сядзібы ў вёсцы Азярцы
Аб'ект гісторыка-культурнай спадчыны ІІІ катэгорыі (213Г000372)
Сядзіба роду Аскерка была пабудавана ў другой палове XIX стагоддзя. Акрамя жылога дома, яна ўключала ў сябе шматлікія гаспадарчыя пабудовы, млын і спіртзавод. У савецкі час сядзіба была перададзена мясцоваму саўгасу, які прыстасаваў яе пад свае патрэбы. На сённяшні дзень захаваліся сядзібны дом, а таксама шэраг гаспадарчых пабудоў. З'яўляецца помнікам архітэктуры класіцызму.